Ağustos Böceği ile Karınca (Osmanlıca Hikayeler)


اَغُوسْتُوسْ بُوجَكِى اِيلَه قَرِنْجَه




جِرْلاَيِقْ يَعْنِي اِصْطِلاَحِ اَخَرْرلَه اَغُوسْتُوسْ بُوجَكِى تَسْمِيَه اُولُونَنْ حَيْوَانْ بُوتُون يَازْ


مَوْسِمِى اُوتْمَكْ اِيلَه كَجِيرُوبْ قِيشْ ذَخِيرَه سِنْدَنْ مَحْرُومْ قَالْدِي. اِشْ بُو بُوجَكِنْ بِرْ قَرِنْجَه

قُومْشُوسِي اُولُوبْ يَازِنْ قِيشِي كَلَه جَكِنْدَنْ غَافِلْ اُوْلمَيُوبْ دُرْلو زَحْمَتْ اِيلَه قِيشْ تَدَارِكِين

طَشِييوبْ خَاضِرْلَمِشْ اِيدى. جِرْلاَيقْ اَكاَ بِر قَاجْ دَانَه يِيَه جَكْ اِسْتَمَكَه وَارْدِي


قَرِنْجَه بَنْجِيلْلِكْ يُوزُونْ طُوتُوبْ زَوْقَه اَلَه رَقْ اَيتْدِى هَمْشَهْرِم مَوْسِمِ صَيْفْده اِيشِكْ نَه

اِيد ذَخِيرك نَه تيزْ دُوكَنْدى دِيدكْده جِرْلاَيق ياَز كُونْلَرِنْدَه هِيجْ بِرْ اِيشهَ اَلْ اُورْمَدِمْ اَنْجقْ بَنِمْ

اِيشِمْ اُوتْمَكْ اِيدي دِيدكْدَه قَرِنْجه اكا كُولَه رَك شِمدِى سَنِكْ اِيشِكْ حُورَا دَبْمَكْ اُولْسُونْ

دَيُو يُوزِيِنَه قَبُويُو قَبَادِي. بُو اَكَا مِثَالدر كِه عَقُلُلُو اَدَمْ كَنْجْلِكْده قَزاَنُوبْ اِخْتِياَرْلِقْدَه اِسْتِرَاحَتْ

تَدَارِكْلرِينْ دَخِي تَفَكُّرْ اِيدر